نورې ښځې او دښځو تر منځ عدالت
لومړی دامسئله چې په اسلامې شريعت کې د يوې نه علاوه نورو ترڅلورو ښځو سره نکاح کول کوم واجب حکم نه  دي بلکې رواه ده هغه هم د عدالت قايمولو په چوکات کې .
فَإِنْ خِفْتُمْ أَلَّا تَعْدِلُوا فَوَاحِدَةً النسآء ۳
ژباړه : پس که تاسې ويريږی چې عدالت به ونه شی کړای نو يوه ښځه وکړﺉ .
وَلَنْ تَسْتَطِيعُوا أَنْ تَعْدِلُوا بَيْنَ النِّسَاءِ وَلَوْ حَرَصْتُمْ فَلَا تَمِيلُوا كُلَّ الْمَيْلِ فَتَذَرُوهَا كَالْمُعَلَّقَةِ النسآء ۱۲۹
دښځو په منځ کې په تمامه معنی عدالت ستاسې په وس کې نشته که تاسې وغواړی هم نه يې شی کولای له همدی امله دالهې دستور له مخې تاسې يوی لورې ته دومره ميلان مه کوی چې هغه بله معلقه وکرځوی .
معلقه داسې چې نه ميړه لرونکې وي اونه بې ميړه نه .
ډير خلک داسې وي چې دوهم واده وکړي نو لومړی شاته کړي بلکې دوهم واده د عدالت په قايمولو سره روا دی .
هرهغه څوک چې څوښځې لري نوپه ده باندې واجب دی چه د دوی په خواراک ،پوښاک ،راکړه ورکړه ، د شپې د بيدکيدو نوبت بيل بيل هستوګنه اوجلاجلا شپه تيرول او نورو کې پوره عدالت کول .
که کوم ميړه دخپلو ښځو په منځ کې عدالت نه کوي نو دقيامت په ورځ کې به ګوزن وهلی پاڅيږي او داسې به درومې چه له خپله ځانه سره به يولاس اوپښه اونور نيمايی بدن کش کاږي .(کابلی تفسير د النسآء ۳ آيت  او انوارالقرآن تفسير)
مـلطب داچې دوهم واده کوم واجبي حکم نه دی بلکې د عدالت ساتلو په شرط جائز دی په مسلمانانو کې داسې کسان ډير کم دي چې هغه د دوهم واده کولو لپاره واجب الشرايط وي
د ۱۹۷۱ کال د سروی له مخې په سلو کې ۹۶٪ مسلمانان يواځې يوه ښځه لري او۴٪ دوې ښځې لري اوکوم چې ۳ يا ۴ ښځې لري هغه ډير کم دی چې په فيصدی کې نشی راتلای . (علامه وهبة الزحيلي  فقه معاصر) .
د يوې نه علاوه بلي نکاح حکمتونه :
ګر چه د څو ښځو د حکمت بيان ته ضرورت  نشته ځکه چه الله تعالی دهرڅه پيداکونکی دی اوپه هرڅه ښه پوهيږي قوله تعالی : أَلاَ يَعْلَمُ مَنْ خَلَقَ وَهُوَ اللَّطِيفُ الْخَبِيرُ (الملک ۱۴ )
(آيا هغه دې دمخلوقاتو په حال ونه پوهيږي چې هغه ټول پيداکړي دي پداسې حال کې چې هغه باريک بين اوپه دقيقو اسرارو پوه اوښه باخبر دی ) .
خو ځنو علماؤ د څو ښځو حکمتونه داسې بيانوي :
۱- دنر اوښځې ترمنځ فطري اختلافات :
دايوواضح حقيقت دی چې دنر اوښځې تر منځ فطرتاً اختلافات
موجود دي نر هر وخت دجنسي اړيکو لپاره اماده وي مګر ښځه په هره مياشت ،هرکال يادوه کالو کې د حيض او نفاس دوري طی کوي چې په دغه دورکې ښځه د جنسی اړيکو لپاره اماده نه وي اوپه دغه دوران کې جنسي اړيکې په اسلام کې حرامې دي .
اسلام کې زنا او هغه اسباب ټول حرام دي که له يوې خوا زنا اواسباب يې حرام دي خو له بلی خوا دهغه دارضاع لپاره نکاح او له يوې نه علاوه بلې سره نکاح مباح ګرځوي داځکه چې که کوم شخص د ښځې دفطري امراضو په جريان کې دصبر توان نه لري دحرامو طرف ته د ميل خطر وي نو بل واده کولای شي خو د عدالت قايمولو په چوکات کې .
داسې کسان په ټولنه کې ډير کم وي چې دوی دې د  دوهمې نکاح لپاره شرايط برابر کړي اوبيا دې عدالت قايم کړي .
۲- دنکاح يومقصد دنسل دوام دی :
داسلامې نکاح يوهدف دادی چې ټولنی ته پاک ادرس لرونکې نسل وړاندې کړي چې سرپرست يې معلوم وي اود تربيه او اصلاح مرجع ولري .
که دکومې ښځې اولاد ونه شي نو دنکاح يومقصد به له منځه لاړ شي نوځکه دوهم واده ته ضرورت دی تر څو دنسل دوام منځه ته راشي .
همدارنګه که دښځې د مړګ او طلاق په صورت کې بل واده ته ضرورت وي .
۳- دښځې عمر نظر نر ته کم وي .
ښځه د ۴۰-۵۰ کالو پورته جنسي قوت له لاسه ورکوي مګر نرينه زياتره تر ۸۰ کلنی پوري فعال وي چې ددی نسبت تقريباً ۱:۲ راځې .
۴- د ښځو تعداد زيات دی
نرينه زياتره په خونړيو جنګونو کې مړه کيږي چې په دې سره د ښځو شميره ذياتيږي ډيرې کونډي پاتې کيږي چې اکثره يې د پاخه عمر وي نودابه مناسب وي چې هغه له يوځوان سره واده وکړي ؟
يا به دامناسبه وي چې بې نکاح پاتي شي ؟
اوکه به داښه وي چې له خپل همسن سره يې واده وکړي د سرپرست او خپل کور اونفقې خاونده وګرځي .
داسلام دوښمنو عجيبه نيوکې :
اسلام دوښمن عناصر د اسلام پدې حکم چې څنګه د يوې نه علاوه تر څلورو ښځو د نکاح اجازت شته چې مخکې مو اشاره ورته وکړه چې يواځې ۴٪ مسلمانان دوهمه  نکاح لري پداسې حال کې چې په کفري ټولنو کې ديوې د تش په نوم نکاح نه بغير دبلې نکاح حق نلري ولې له سلو ښځو سره يې غير مشروع اړيکې وي هغه ته نکاح نه وايې هغه ملګري ده .
چې خپله تش په نوم ښځه يې په ډاک پريښی او خپله په نورو ښځو پسی د غير مشروع اړيکو لپاره کرځي .
يو وخت د قزاکستان ښځو مجلس داير کړ چې مونږ خپلو خاوندانو ته د يوې نه علاوه تر څلورو ښځو پورې اجازت ورکوو ولې دا اولسنی حالت  نشو زغملای ځکه که څلور ښځې وکړي نو ځای خو به يې معلوم وي مګر اوس خو يې ځای نه وي معلوم چې چيري ورک وي .
په اسلام کې غير مشروع اړيکی او دهغه اسباب ټول حرام دي د مسلمان ټوله توجه خپلی بی بی ته وي او دمسلماني بی بی خپل خاوند ته وي دې ته وايې د ستر کرامت لرونکی بشر ژوند نن د ځنګلي  ژوند لوپر هم  ستر الهی دين ته ګوته نسي او دنورو د ځګلی کيدو په آارمان دي .
 
د دوی د سردارانو معاشرې ته يوه لنډه اشاره :
د مخالف لوري لپاره به زمونږ دغه يو دليل هم بس وي چی په غرب کې د اصلي ښځې سربيره نورې معشوقی لري او چاپیره ورڅخه ګرځې اوله هغوی سره غير مشروع مباشرت کوي .
دامريکا پخوانی ريسې جمهورې کندي ويلي ؤ چه ميړه يې له ۳۰۰-۲۰۰ پورې ملګريې نجونې لرلې اوله هغوی سره يې غير مشروع اړيکی تر سره کولې ،اودهغوی ګدايان يا سوالګرو په غيرمشروع ډول ښځو سره اړيکی شميره تر سلو اوړي وار خو يې د پورته طبقو خلکو شو هرسړي يې د معشوقو لښکرې لري اوله هغه سره بې له کوم مانع نامشروع اړيکي لري چې د سختو مرګونو امراضو سبب شوي دي .
جورج ۱۸۳۹- ۱۸۴۱ کالوکې د فرانسی په حکومت کې لوړمقام ترلاسه کړه په داسې حال کې چه هغه په خباثت اوزناکاری کې ډير مشهور ؤ
دغه کس ۸۰۰ معشوکې لرلې چې له هغې څخه يې ۴۰ نامشروع زامن تولد شوي ؤ ،ويل کيږي چې کله دمعشوکو له ډلې د يوې امريکايي ښځې  څخه  خيانت وليد نوپه نيمه شپه کې ويښ شو هغه يې په يوه لرې کوچه کې په توره شپه کې خوشې کړه . (الاهرام ورځپانه انيس مصور ۱۹۷۹ مصر )
آيا داد تعجب خبره نه ده چې دغه سړي يوشی د ځان لپاره روا بلل او دبل لپاره حرام ؟
که نه دا دشهوترانې د ليونتوب فيصلی وي .
نو ويلای شو چې که اسلام څو ښځې سره نکاح رواه کړي هغه خو دعدالت په چوکات کې ده .
ولې که څوک د بل واده دحقوقو د پوره کولو توان نلءی هغه به په يوه ښځه اکتفا کوي او بس .
داسلام خادم
آن لاين اسلامې لارښود