اول  زما سلامونه  قبول  کړی وروسته  دسلام نه  زماپوشتنه  داده چي:
۱۔ خپلي خځي سره ملاويدل د نکاح نه بعد څنګه دي يعني ځما نکاح په منظم ډول د لسو کسانو په مخکي يو مفتي زما نکاح وتړله۔ او يو کال بعد زما د واده نيټه ده دا ځکه چي د تعليم مسئله ده۔ نو آيا ځه او ځما ازدواج کولي شو چي يو بل اوګورو او خبري سره وکړو يا يو بل سره لاس ملاوڅنګه دي د نکاح نه بعد۔
 
زه احمد عابد به ستاسو د دلايلو نه به ډير شکرګزار يم۔

ځواب
بسم الله الرحمن الرحيم
د عقد نکاح نه وروسته او د زفاف (واده شپه ) نه مخکې ټول هغه څه چې د سړی د پاره له خپلی ښځې سره رواه وي جايز دي .
مګر غوره داده چې سړی تر هغه صبر وکړي تر څو واده يې تر سره شي که سړی غواړی له خپلی منکوحي سره يې ملاقات ،تلفني خبرې وکړي يا يې ديدار ته ورشي او مجلس ورسره وکړي غوره داده چې د هغې د کورنۍ په اجازه وي او پټ تماسونه او پټ ملاقات ښه نه دی د خطر ويره لري ځکه احتمال لري ښځې له هغه څخه حمل واخلي او دغه د زفاف (واده ) نه مخکې حمل کيدای شي خدای مه کړه سوء ظن وګرځې او کيدای شي ميړه له نزديکت څخه منکر شي نو ددی کار عواقب خطر ناک دي .
په سړی لازمه ده چې د زفاف تر وخته پورې صبر وکړي که له خپلی بی بی سره تماس او ملاقات کول غواړي نو د هغه دکورنۍ په حضور کې دی دا کار وکړي .
مجموع فتاوی او مقالات متنوعة (21/208) (البدالحرام )
پوښتنه ايا د عقد نکاح نه وروسته او د زفاف نه مخکی له خپلی بی بی سره مباشرت يا کورواله کول رواه دي ؟
د خپلی بی بی سره د عقد نکاح نه وروسته او واده نه مخکی جماع کول او کورواله هيڅ شرعي ممانعت نه لري مګر څرنګه چې دا مسئله له عرف سره په ټکر او تضاد کې ده نو که چيرې ددی ويره وي چې د عقد نکاح نه وروسته او د زفاف نه مخکې به مشکل جوړ کړي دا کار به نه کوي ځکه د مفسد دفع کول پر جلب د مصلحت او منفعت مقدم دی .
وبالله التوفيق، و صلي الله علي نبينا محمد و آله وصحبه وسلم
دعلمي تحقيقاتو او افتا دايمي ټولنه (مکه مکرمه )