سلامونه او نیکی هیلی می ومنی:
زما پوښتنه د جمعی د ورځی د لمانځه د ترتیب اود شمیر په هکله ده:
۱- ځینی خلګ ۴رکعته سنت بیا ۲رکعته فرض بیا ۴رکعته سنت او بیا ۲ رکعته سنت کوی چی مجموعه یی ۱۲ رکعته کیږی.
۲- ځینی نور خلګ ۴رکعته سنت بیا ۲رکعته فرض اوبیا ۴رکعته سنت کوی چی مجموعه یی ۱۰ رکعته کیږی.
۳- ځینی نورخلګ ۴رکعته سنت بیا ۲رکعته فرض او بیا ۲ رکعته سنت کوی چی مجموعه یی ۸ رکعته کیږی.
ځینی یی په ټینګار سره مجموعه لس رکعته(۴سنت،۲فرض او ۴سنت)ښیی او وایی چی دا بحث د مشکواه شریف په باب الجمعه کی شوی.
څرنګه چی هرکس دی کتابونو ته لاس رسی نه لری،او که یی لری هم د ژبی ستونزه لری.
هیله ده چی راته پوره او مفصل ځواب راکړی.
له پیرزوینی مو نړی مننه
نجیب الله له کابله

ځواب

بسم الله الرحمن الرحيم

د جُمعې د فرض لمونځ څخه مخکې څلور رکعته سنت او وروسته بيا څلور رکعته سنت او بيا دوه رکعته سنت ادا کيږي .

د جمعی د فرض لمانځه څخه مخکې څلور رکعته د جناب نبی کريم صلی الله عليه وسلم څخه ثابت شوی دي مګر د هغه په حکم کې د فقهاؤ تر مينځ اختلاف نظر دی چې ځنې يې نفل او ځنې سنت بولي زمونږ د احنافو په نزد سنت دي او د فرض نه وروسته سنتو کې اتفاق دی .

و سنت مؤکد اربع قبل الظهر و اربع قبل الجمعة و اربع بعدها …… الخ و ذکر الطحاوي عن ابی يوسف انه قال يصلي بعدها ستاً ينبعی ان يصلی اربعاً ثم رکعتين (بدايع الصنايع ۲۸۵/۱ – فتاوی دارالعلوم ديوبند ۱۱۰/۵ ) .

آن لاين اسلامې لارښود