قدرمنو ورونو سلامونه
هیله ده چې تاسو د پوره صحت لرونکي اوسۍ په دې هیله غواړم له تاسو نه یوه پوښتنه وکړم هغه دا چې زه ۲۱ کاله کیږي چې واده لرم په دې ۲۱ کالو کې زما خاوند پر ما د هیڅ رقم ظلم دریغ نه دی کړی او زه تاسو ته په باور کامل وایم چې زما به هیڅ ګناه نه وه او د به زه تل وهلم او ټکولم په ما یې شکونه کول چې د کور او پردو کې داسې څوک نه و پاتې چې د به زه ورسره نه جوړولم هره ورځ به یې راته د تګ خبره کوله وهل او ټکول دومره ډیر و زما په ژوند کې چې نور مې د هغه په مخ خبره نه شوه کولای .
زما اولاد یې زما په نس کې رانه مړ کړی دی په ډیرو وهلو زه د لیونتوب سرحده رسولې وم او بلاخره دې ته حد ورسیده چې زما نه به یې د هیڅ شي صرفه نه کوله زما یوه ورڅ خبره دې ته ورسیده چې زما کور ته زما خپلوان راتلل او دې کور ته نه پریښودل زه د ډیره ځوره سخته ناروغه شوم د زړه حمله راباندې راغله چې خپلو خپلوانو ته شرمیدم چې کور ته مې میلمه نه شي راتللیکله چې د روغتون نه کور ته راغلم نو هغه سره مې خبرې وکړې چې ولې ماسره داسې کوي هغه زه ډیره ووهلم او په پای کې یې زما په خوله لاسونه ونیول او زما د ختمولو یا وژلو اقدام یې وکړ ما په خپلو ستګو په سپینه پرده ولیده ما مرګ اخساس کړ او په پای کې نه پوهیږم څنګه د هغه کټ نه یې پښه خطا شوه په کوم چې یې زه د دپښو او لاسونو نه ټیڼګه نیولې وم او وژلم یې ما په دغه اثنا کې ترې تیښته وکړه او ځان مې وژغوره زه قسم خورم چې هیڅ مې نه و کړي نه مې ګناه وه.
اوس راځم په اصلې موضوع او هغه دا چې د هغې وروسته زما زړه د دې سړي نه بلکل بد شو اعتبار مې پيرې د لاسه ورکړ او هیڅ مینه مې په زړه کې نلرم ورته نه ورته احترام لرم اونه یې خبره تیرولی شم هغه وخت ما غوښته چې ترینه بیله شم خو زما کورنۍ او زما د ماشومانو خیال زه د دې بیلتون ته پرنښدم ما هم د دوی لپاره دا فداکاري وکړه څلور کاله مې دې سره بیا ژوند وکړ خو بې له مینې او اعتبار نه نه ورته احترام لرم نه یې احترام کولای شم اصلا زما په ژوند کې اوس ماته هیڅ ځای نه لري نه یې خبره منلی شم که ښه راته وایي هم راباندې بده لږیږي او بده یې خو هسې هم بده ده.
ده چې واوریده چې زه تصمیم لرم ترینه بیله شم نو دځان د اصلاح لپاره یې قسم وکړ او ما هم ومنه خو زه په زړه کې پرې متیقنه نه وم او دادی کله چې متیقن شو چې دا ښځه مانه نه ځي نو بیا یې د هغې ورځو ارمان په سر شو چې د خبرې په سر هم راته هغه ورځې یادوي او په آخر کې هم.
زه اوس ورسره هیڅ مینه نه لرم او نه یې احترام کولای شم نه یې خبره منلی شم نه ورسه خبرې کوم نه ورسره کینم او نه پاڅم چې کله هم سره کینو په پنځه دقیقو کې مو شړخړه جګیږي او بیا سره جنګ ګووهیڅ نه پوهیږم زه څه وکړم ؟
څږ ږرځې د مخه یې راسره جنګ وکړ او زه یې د خپل زوی په مخ کې ډیره وشرمولم زه ترینه نفرت لرم او په جنګونو کې مې نور حوصله ختمه شوې ده زه غواړم چې ترینه طلاق واخلم ځکه زه یوه دینداره او زاهده ښځه یمه زه په دې پوهیږم چې د میړه اخترام د ښځې فرض دی او زه دا فرض نه شم ادا کولای نه له دې لپاره چې نه غواړم بلکه د دې لپاره چې زه یې نه شم کولایزما په زړه کې ورته د مینې ځای نشته او زه یې نه شم زغملای او دا ماته ګناه ښکاريد اسلام د نګه نه په دې خاطر ما ورته طلاق ورکړ درې طلاقه او پښیمانه هم نه یم بیا یې ورکوم او بیایې ورکوم ځکه چې ترینه نفرت لرم.
اوس هیله منه یم چې تاسو راته رهنمايي وکړی ځکه چې هغه وايي چې د ښځې طلاق نه خسابیږي آیا دا رښتیا ده او که رښتیا ده ولې او که نه ده زه څه وکړم چې هغه وپوهییږي چې زه ورسره ژوند نهغواړم.
او بل دا چې هغه مې طلاف نه مني زه څه وکړم چې هغه مې طلاف ومني او ما آزاده کړي او که یې ونه مني زه څه وکړم ترڅو هغې مې طلاق ومنيخیله ده ماته رهنمايي وکړی او ماته سمه لارهښونه وکړیزه ستاسو د ځواب انتظار کوم چې زما په آدرس یې راولیږی او یا یې په خپله پاڼه کې خپور کړی مننه

وارثه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ځواب

بسم الله الرحمن الرحيم

اسلام د ښځې او ميړه تر مينځ د ښه ژوند او ښه سلوک کولو ډير ټينګار کړی دی

اسلام د خپلې ښځې سره د ښه سلوک کولو ډير ټينکار کړی دی  :

قوله تعالی : وَعَاشِرُوهُنَّ بِالْمَعْرُوفِ فَإِن كَرِهْتُمُوهُنَّ فَعَسَى أَن تَكْرَهُواْ شَيْئًا وَيَجْعَلَ اللّهُ فِيهِ خَيْرًا كَثِيرًا (النساء ۱۹ ) .

ژباړه : اوله هغی سره په ښه طريقه ژوند تير کړی ، بيا که هغه ستاسی (په څه وجه ) خوښی نه وی نو کيدای شی چی يو شی ستا خوښ نه وی خو خدای ج په هغه کی (ستاسو) لپاره ډيره څه ښيګڼه ايښی وی .

اَكمَلُ المُؤمِنِينَ اِيماَناً اَحسَنُهُم خُلُقاً وَخِياَرُكُم خِياركُم لِنسَآءِهِم (رواه ترمذي )

د ايمان په اعتبار سره ستاسو کښی کامل ايمان والا هغه څوک دی چه د هغه اخلاق اوخوی ښه وی او تاسی کی بهترين او غوره هغه دی چه دخپلی ښځی سره يی سلوک ښه وی .

اسلام ميرمنې ته د خپل خاوند د اطاعت حکم کړی دی :

رسول الله –صلى الله عليه وسلم- فرمايي : «لو كنت آمراً أحداً أن يسجد لغير الله، لأمرت المرأة أن تسجد لزوجها، والذي نفس محمد بيده لا تؤدي المرأة حق ربها حتى تؤدي حق زوجها، ولو سألها نفسها وهي على قنب لم تمنعه».( ابن ماجه و ابن حبان ) .

که مې دا امر کولای چې يو کس دې بغیر له الله څخه بل چاته سجده وکړي ،نو ښځې ته به مې امر کړې وای چې خپل خاوند ته سجده وکړي ،قسم په هغه ذات چه زما نفس د هغه په واک کې دی ښځه به تر هغه پورې د خدای حق ادا نه کړي څو پورې چې د خپل خاوند حق ادا نه کړی ،که خاوند له خپلې بی بی څخه څه شی وغواړي ولو که هغه د اوښ د زين په سر هم وي هغه بايد قبول کړي او دهغه منع ونه کړي .

لاَ يَحِلُّ لِلْمَرْأَةِ أَنْ تَصُومَ وَزَوْجُهَا شَاهِدٌ إِلاَّ بِإذْنِهِ ، وَلاَ تَأذَنَ فِي بَيْتِهِ إِلاَّ بِإذْنِهِ - متفق عَلَيْهِ

د هيڅ ښځی لپاره روا نه ده چه د خپل ميړه په موجوديت کې دهغه د اجازی پرته (نفلی ) روژه ونيسي ،او نه دا جايز ده چه د خاوند د اجازی بغير د هغه کور ته د داخليدلو لپاره بل چاته اجازه ورکړي . او بل حديث شريف کې دی د ميړه د اجازه بغير دی له کوره نه وځی

عَن اَنسٍ قَالَ قَالَ رَسُولُ اللَّهِ صلَّى اللَّهُ عَليهِ وسلَّم اَلْمَرْأة اِذَا صَلَّتْ خَمْسَهَا وَصَامَتْ شَهْرَهَا وَاَحْصَنَتْ فَرْجَهَا وَاَطَاعَتْ بَعْلَهَا فَلْتَدْخُلْ مِنْ اَیِّ اَبْوَابِ الْجَنَّةِ شَاءَتْ (رواه ابو نعيم فی الحلية ) .

د حضرت انس رضی الله عنه نه روايت دی چه رسول الله صلی الله عليه وسلم فرمايي :کومه ښځه چه پنځه وخته لمونځ کوي ،او د رمضان روژه نيسي او د خپل عزت او حيا حفاظت کوی او د خپل خاوند اطاعت کوي نو د هغې خوښه ده چې له کومې دروازي غواړي جنت ته دې ننوځي .

د ميړه او ښځې تر مينځ د سختو اختلافاتو حل :

د ښځې او ميړه تر مينځ چې کله د سخت خفګان او اختلافاتو ويره را مينځته شي نو الله تعالی د دغه اختلافاتو د حل لارې په قرآنکريم کې داسې بيان کړی ده .

وَإِنْ خِفْتُمْ شِقَاقَ بَيْنِهِمَا فَابْعَثُوا حَكَمًا مِنْ أَهْلِهِ وَحَكَمًا مِنْ أَهْلِهَا إِنْ يُرِيدَا إِصْلَاحًا يُوَفِّقِ اللَّهُ بَيْنَهُمَا إِنَّ اللَّهَ كَانَ عَلِيمًا خَبِيرًا (النساء ۳۵)

(که په تاسې کې دسختو اختلافات ويره وي (نو دهغه مخنوی دادی ) چه  وليږي  يو د اصلاح کس دخاند د طرف نه او يو د اصلاح کس د ښځی له طرفه نه که دا دواړه اصلاح غواړي (يعنی د فيصلی کولو اهليت ولري ) نو الله تعالی به په دواړو کې ضرور دموافقت توفيق پيدا کړي الله تعالی عليم او خبير دی ).

د جمهورو علماء په نزد کچيرې دغه اصلاح کونکي د ښځې او ميړه تر منيځ روغه وکړي نو امر يې نافذ دی او د امام ابوحنيفه رحمه الله په نزد د اصلاح کسان يوازې د اصلاح او روغې صلاحيت لري دوی د جلاوالی صلاحيت نه لري د جلاوالی په صورت کې به موضوع قاضی ته وړاندې کيږي (انوارالقرآن تفسير ) .

د ناچارۍ په صورت کې د طلاق حکم :

د آخري ناچارۍ په صورت کې د طلاق حکم دی  طلاق د الله تعالی په نزد په ټولو حلالو امرو کې بد شی دی د طلاق مثال داسې دی لکه د انسان د بدن په کوم اندام چې کله سخت مرض ولګيږي مثلاً سرطان  نو که هغه اندام پرې نشي ټول بدن له مينځه وړي ، که څه هم د اندام پرې کول ظاهراً ډير بد دي خو د ناچارۍ او د نور بدن د حفاظت په صورت کې تر سره کيږي .

نارينه به د اسلامې احکام مطابق طلاق ورکوي نور تفصيل دلته وګورﺉ .

لکه څنګه چې سړي ته د طلاق ورکولو اجازت شته دارنګه ښځي ته هم د سخت تکليف په حالت کې چې ظلم او زياتی ور سره کيږي د خلع د طلاق اجازت شته مګر د اسلامې شرايطو په چوکات کې داسې نه لکه په  سکولر نظام  کې چې ښځه کولای شي هر وخت بغير له کوم دليل څخه د ميړه څخه جلا شي .

هغه ښځه چې بغير له کوم سخت تکليف څخه د خواهشاتو پر بنا طلاق غواړي د داسې ښځې په باره کې سخت وعيدونه ذکر شوي دي .

په حديث شريف کې راغلي دي : اَيُّمَا اِمرَأةٍ سَألَت زَوجَهَا طَلاَقًا فِی غَيرِمَابه بَاسُ ُ فَحَرَامُ ُ عَلَيهَا رَائِحَةُ اَالجَنَّةِ

کومی ښځی چه بغيز د څه سخت تکليف يا څه خاص وجهی نه طلاق و غوښتلو په هغی د جنت بوی حرام دی (ترمذی او ابوداؤد.

اَلمُختَلِعَاتُ هُنَّ المُنَافِقَاتُ کومی ښځی چه بغير د څه سخت تکليف او ضرورت نه خامخا خلع غواړی هغه په حقيقت کې منافقی دي .

قرآنکريم د خلع حدود او شرايط داسې بيان کړي دي :

وَلاَ يَحِلُّ لَكُمْ أَن تَأْخُذُواْ مِمَّا آتَيْتُمُوهُنَّ شَيْئًا إِلاَّ أَن يَخَافَا أَلاَّ يُقِيمَا حُدُودَ اللّهِ فَإِنْ خِفْتُمْ أَلاَّ يُقِيمَا حُدُودَ اللّهِ فَلاَ جُنَاحَ عَلَيْهِمَا فِيمَا افْتَدَتْ بِهِ ( البقره ۲۲۹ )

فقه اسلامې حنفي ددې آيت شريف په رڼا کې د خلع دا لاندې شرايط بيان کړي دي :

۱- ښځه په هغه صورت کې د خلع غوښتلو حق لري چې دا ويره وي چې د الله حدود به قايم نه شي يعني اختلافات داسې حد ته ور سيږي چې نور د الله تعالی تعين کړي حدود قيام نا شوني شي  .

۲- شرط : ښځې ته چې خاوند کوم مال په مهر کې ورکړی دی ښځه به هغه مال بيرته ميړه ته سپاري .

۳- شرط : ښځه او خاوند به دواړه راضي وي که ښځه راضي وي او د خاوند خوښه نه وي نو خلع نه صحي کيږي ، که سړي نه رضا کيږي نو ښځه ته دا حق شته چې اسلامې حکومت يا د مسلمانانو جماعت ته دعوی وکړي او خلع  واخلي  ) اسلامې فقه ص ۴۵۸ ( .

تاسې ته زمونږ نصيحت :

علماء البلد الحرام ته يوې مسلمانې بې بې د خپل خاوند د بد اخلاقي او بد چلنۍ ډير څه ليکلي وو ، چې زه د هغې پوره اطاعت کوم ولی هغه زما سره ظلم او نا روا کوي .

علماء البلداحرام دې بې بې ته د نصيحت په ټوګه ليکي :

زه تا ته آفرين وايم په دې صبر او بردبارۍ او تا ته نور هم د صبر کولو سفارش کوم ، خپل کور دې مه ترک کوه ځکه په کور کې پاتې کيدل ستا د پاره د نيکۍ او سعادت سبب ګرځي .

الله تعالي فرمايي: [وَاصْبِرُوا إِنَّ اللَّهَ مَعَ الصَّابِرِينَ ] [انفال:46] [صبر او استقامت کوﺉ يقيناً الله تعالی له صبر کونکو سره دی !]

په بل ځای کې فرمايي : [إِنَّهُ مَنْ يَتَّقِ وَيَصْبِرْ فَإِنَّ اللَّهَ لَا يُضِيعُ أَجْرَ الْمُحْسِنِينَ] [يوسف:90] [ هر چا چې تقوی اختيار کړه او صبر يې وکړ ( بلاخره کاميابيږي ) ځکه چې الله تعالی د نيکانو اجر نه ضايع کوي !]

د خاوند سره دې داسې سلوک او نرمې اختيار کړه تر څو د هغه زړه نرم شي او ددې سبب شي تر څو د تا حقوقو ته پوره توجه وکړي ، کله چې هغه په کوم مهم کار مشغول وو له هغه څخه څه شی مه غواړه تر څو په قراره قراره ستا غوښتنو ته توجه وکړي .

الله تعالی تاسې ته د خير په امرو کې توفيق درکړي .

علماء البد الحرام – مکة المکرمة – من فتاواه، إعداد: أشرف بن عبدالمقصود (2/831،830)

آن لاين اسلامې لارښود