په ځنو مدارسو کې کله چې کوم زده کونکي صحي ځواب ورکړي د هغه د پاره چک چکې وهل کيږي او همدارنګه کله چې مدير يا معلم ټولګي ته ننوځي زده کونکي د هغه د استقبال د پاره پورته کيږي ددې امورو حکم څه دی ؟

ځواب : چک چکې وهل مکروه دي د جاهليت د دوران له عاداتو څخه دي د مکې د مشرکانو د عاداتو په اړه الله تعالی فرمايي : [وَمَا كَانَ صَلاتُهُمْ عِنْدَ الْبَيْتِ إِلا مُكَاءً وَتَصْدِيَةً]

(د هغوی دعا او عاجزي دمسجدالحرام تر څنګ بې له غږ پورته کولو او چکچکو بل څه نه وه )  ».[انفال:35]

همدارنګه د استاذ د استقبال د پاره پورته کيدل شديد مکروه دي ځکه حضرت انس رضی الله عنه د صحابه کرامو په اړه وایي : «ما كان أحد أحبّ اليهم من رسول الله صَلَّى اللَّهُ عَلَيْهِ وَسَلَّمَ و كانوا لا يقومون له اذا دخل؛ لما يعلمون من كراهته لذلك»[3]

(د صحابه کرامو به نزد هيڅ څوک هم د پیغمبر صلی الله عليه وسلم په شان محبوب نه وو . او په دې صورت کې هم کله به چې جناب نبی اکرم صلی الله عليه وسلم ننوتلو صحابه له خپل ځای څخه نه پورته کيدل ځکه دوی پوهیدل چې رسول الله صلی دا کار نه خوښوی ) .

مګر د روغبړ يا ستړې مشو د پاره پورته کيدل که د استاذ د پاره وي يا بل کس باک نه لري ځکه رسول الله صَلَّى اللَّهُ عَلَيْهِ وَسَلَّمَ د مغاذ رضی الله عنه په باره کې صحابه ته وفرمايل : (قوموا الي سيّدكم)[4]

«د سردار د پاره مو پورته شئ ».

همدارنګه له احاديثو ثابت شوی ده چې کله به فاطمه رضی الله عنها د رسول الله صلی الله عليه وسلم کره راغله جناب نبی صلی الله عليه وسلم به هغه ته له خپل ځای څخه پورته شوه روغبړ به يې ور سره کولو او فاطمې بې بې به د خپل پلار لاس ښکلولو او کله به چې جناب نبی اکرم صلی الله عليه وسلم د فاطمې رضی الله عنها کره تلو فاطمې رضی الله عنها به هم داسې کول .

د ښاغلی معلم او استاذ د پاره دا مناسبه نه ده چې خپل زده کوونکي پورته کيدو ولاړسئ او د ده استقبال ته مجبور کړي بلکه هغوی له دې کار څخه منع کړي .ددې بل ضرر ناک اړخ دا دی چې د غرر او تکبر سبب ګرځي .

علماء بلدالحرام – مجله الدعوة، شميره  (1325)

آن لاين اسلامې لارښود



[3]. احمد (3/132) ترمذي (2754).

.[4] بخاري (3043) او مسلم (1768).