دان لاين اسلامي لارښود چلونكو لمړى خپل سلامونه اونېكې هيلې ستاسې درانه خدمت ته وړاندي كوم اودلوى خداي څخه درته د لا برياوو هيله كوم

دسلام له وړاندې كولو وروسته هيله كو لاندي پوښته راته ځواب كړي.

۱-  په لمانځه كي دهر ركعت په شروع كي د بسم الله ويل څه حكم لري او كه وه نه ويل شي لمونځ څنګه كېږي.

2 -  په ډكو ركعتونو كي له سورة فاتحي وروسته دسورت په شروع كي بسم الله ويل كېږي اوكه نه ځكه له يو مولوي صاحب څخه مې واوريدل چې

كه دسورت سر وي ويل يې ضروري دي او ما تردې مخكي له هيچا څخه دا نه وو اوريدلي هيله ده پدي هكله راته پوره او په تفصيل سره ځواب راكړي

پرويز حقپال له كاپل څخه

ځواب

بسم الله الرحمن الرحیم

تنها لمونځ کونکي د پاره د هر رکعت په شروع کې بسم الله الرحمن الرحيم ویل سنت دی (فقه میسر- فقه اسلامې – کفايت المفتي ) .

د (بسم الله الرحمن الرحيم ) په اړه زمونږ د مذهب (احنافو ) نظريه دا ده چې بسم الله د قرآنکريم يو آیت دی او د سورتونو د فصل يا جدايی د پاره نازل شوی دی ، نو نه د فاتحه جز دی او نه هم د کوم بل سورت جز دی بلکې يو ایت دی د قرآنکريم له آيتونو څخه .

او د بسم الله ويل د الحمدلله او بل سورت په مينځ کې سنت نه دی علامه شامی رحمه الله همدې قول ته ترجيح ورکړی ده ، البته ویل يې باک نه لری .

و فى الدر:

“و لا تسن بين الفاتحة و السورة مطلقاً و لو سرّية، ولا تكره اتفاقاً… و هى آية واحدة من القرآن كلّه انزلت للفصل بين السور فما فى النمل بعض آ ية اجماعاً و ليست من الفاتحة و لا من كل سورة فى الاصح).

نقل فی فتاوي المحمودی حنفي .

ان لاین اسلامې لارشود