د توهين څخه د ساتلو په عرض د قرآن شريف د زړو ورقو سوځل مباح دي . ځکه چې حضرت عثمان رضی الله عنه چې د کومو مصاحفو پاته کيدل مناسب ونه ګڼل نو يې وسوځل چې وايي : وامر بماسواه من القرآن فی کل صحیفة او مصحف ان يحرق (بخاري دوهم جلد ص ۷۴۶ ) .
مګر ښه کار دادی چې ښخ کړ شي يا په ابو کې وبهول شي خو دا چې نن سبا د مناسب پاک ځای پيداکيدل مشکل دي نو کفايت المفتي څه دا راز ليکي : په يو محفوظ ځای کې د قرانکريم د زړو شويو ورقو ښخول هم روادي مګر نن سبا یې سوځل ښه کار دی ځکه چې داسې محفوظ ځای پيدا کول چې هلته انسان او حيوان ور ونه رسيږي ډیر مشکل دی او د حضرت عثمان د مصاحفو سوځل ددې کار د جواز دليل دی (کفايت المفتی ج۱ ص ۱۲۷ ) .
همدارنګه فتاوی معاصر لیکي هغه به يا سوځل کيږﺉ او يا په ځمکه کې خښيږي  (فتاوی معاصر البلدالحرام ) .
البته د سيزلو وروسته به يره دفن کيږي .
آن لاين اسلامې لارښود